Jyl basynan beri esirtki zattaryn jarnamalaityn 5 myń sait anyqtalyp, buǵattaldy, – dep habarlaidy «Ult aqparat» QazAqparatqa silteme jasap.
«Esirtki qylmysyna qatysty jahandyq trend – kanabis pen geroindi esirtkiniń sintetikalyq túrimen aralastyrý bolyp tur. Esirtkini zamanǵa sai ádistermen taratý qyzyp turǵanyn aita ketý kerek. Atap aitqanda, ótkizýshiler internet-tehnologiialardyń búkil áleýetin paidalanýda. Saittar men áleýmettik jeliler, Instagram, Telegram, Feisbýk, sonymen birge Kkivi-ámiian, Iandeks olardyń quralyna ainalǵan. Jyl basynan beri IIM 5 myń saitty anyqtalyp, buǵattaldy. Halyqtyń, Úkimettik emes uiymdardyń ókilderiniń qatysýymen esirtki satylatyn saittarǵa silteme jasaityn myńnan asa grafiti-sýret joiyldy», - dedi QR IIM Esirtki qylmysyna qarsy is-qimyl departamentiniń bastyǵy Tilegen Matkenov vedomstvoda ótken baspasóz máslihatynda.
Departament bastyǵynyń aitýynsha, respýblikadaǵy esirtkige qatysty ahýalǵa aýqymdy deńgeide Shýdaǵy shikizattyq baza áser etedi.
«Esirtkiniń eldiń aýmaǵyndaǵy taralýyna jol bermeý úshin biz jyl saiyn «Kóknar» operatsiiasyn ótkizemiz. Biyl operatsiia barysynda 898 esirtkige qatysty qylmys anyqtaldy. Onyń 411-i ótkizýmen bailanysty bolsa, 156 jaǵdaiy asa iri kólemde saqtaýmen bailanysty bolǵan. 17 tonna esirtki túrleri tárkilendi», - dedi ol.
Eske sala ketsek, buǵan deiin Tilegen Matkenov esirtkimen ainalysqan 5 qylmystyq toptyń áreketine shekteý qoiylǵanyn aitqan edi.
