Foto: elements.envato.com
Qazaqstandyq senatorlar esirtki taratýshylarǵa jazany jeńildetýdi, al esirtki óndirýshilerge jaza sharttaryn qatańdatýdy kózdeitin zań jobasyn maquldady, dep habarlaidy Ult.kz.
QR Ishki ister ministriniń orynbasary Sanjar Ádilov buryn sottalǵan esirtki taratýshylar jazalaryn qalai jeńildete alatynyn túsindirdi. Onyń aitýynsha, Qazaqstanda qazir koloniialarda shamamen tórt myńǵa jýyq esirtkige qatysty qylmys jasaǵandar jazasyn ótep jatyr. Onyń ishinde 1220 adam — esirtki «taratýshylary». Olar shartty túrde merziminen buryn bosatý (ShMB) quqyǵyna ie bolady.
«Bul ótinish berý arqyly (jazasyn ótep jatqan orynnan) nemese advokat arqyly júzege asady. Árbir jaǵdai sotta jeke qaralady. Osylaisha, sottalýshy jaza merzimin jeńildetý quqyǵyn alady», — dedi Ádilov.
