Esirtki sińirilgen meditsinalyq maskany paidalanyp tonaý faktisi tirkelgen joq. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
«Áleýmettik jeli arqyly áleýmettik qyzmetker atyn jamylǵan qylmyskerler esirtki zaty sińirilgen maska taratyp júr delingen aqparat jalǵan. Sodan keiin olar esh kedergisiz páterdi tonap, urlyq jasaidy eken-mys. Meditsinalyq maskany paidalanyp, esirtki zatynyń áseri nátijesinde tonaý faktisiniń bolmaǵanyn resmi málimdegim keledi. Bul feik aqparat», - dedi Nurdildá Oraz.
Degenmen resmi ókil kez kelgen jaǵdaida barynsha saqtyp tanytý qajettigin, páter esigin bógde adamdarǵa ashpaý kerektigin ári balalarǵa da qaýip jaily eskertý jón bolatyndyǵyn basa aitty.
«Eger beitanys adamnan kúdikti áreket baiqasańyz, birden politsiiaǵa habarlasyńyz», - dedi ol.
