Foto: Fotokto.ru
Qasym-Jomart Toqaev esirtki óndiretinder men satatyndar úshin jazany qataitýǵa, sondai-aq «jasyryn esirtki tasýshylarǵa» jaýapkershilikti jeńildetýge baǵyttalǵan zańǵa qol qoidy, dep habarlaidy Orda.kz.
Esirtki qylmystaryna qarsy is-qimyl týraly zańǵa engizilgen negizgi ózgerister:
Esirtki óndirý, óńdeý jáne satý boiynsha 15 jyldan 20 jylǵa deiin nemese ómir boiyna bas bostandyǵynan aiyrý jáne múlkin tárkileý qarastyrylǵan. Laýazymdy tulǵalar úshin jaza merzimi 15 jyldan 20 jylǵa deiin (buryn 10 jyldan 15 jylǵa deiin bolǵan).
Jasyryn tasýshylar úshin jeńildik boiynsha eger alǵash ret aýyrlatatyn mán-jailarsyz jasalsa, 5 jyldan 8 jylǵa deiin bas bostandyǵynan aiyrý (buryn 10 jylǵa deiin bolatyn). Qaitalanǵan jaǵdaida – 7 jyldan 12 jylǵa deiin.
Qatań sharalar boiynsha, qylmystyq top quramynda, kámeletke tolmaǵandar arasynda nemese oqý oryndarynda esirtki taratýshylar úshin 15 jyldan 20 jylǵa deiin bas bostandyǵynan aiyrý jáne múlkin tárkileý qarastyrylǵan.
