Ahmetjan Esimov «Samuryq-Qazyna» ulttyq ál-aýqat qory» AQ basqarmasynyń tóraǵasy qyzmetine taǵaiyndaldy, dep habarlaidy "Ult aqparat" Úkimet basshysynyń saityna silteme jasap.
Elbasy Nursultan Nazarbaevtyń tapsyrmasymen QR Premer-Ministri Baqytjan Saǵyntaev pen QR Prezidenti Ákimshiliginiń basshysy Ádilbek Jaqsybekov «Samuryq-Qazyna» ulttyq ál-aýqat qory» AQ ujymyna jańa tóraǵa - Ahmetjan Esimovti tanystyrdy.
Ahmetjan Esimov 1950 jyly 15 jeltoqsanda Almaty oblysynda dúniege kelgen.
«Aýyl sharýashylyǵy óndirisiniń protsester mehanizatsiiasy» mamandyǵy boiynsha 1974 jyly Qazaq aýylsharýashylyq institýtynyń mehanikalyq fakýltetin bitirgen. «Áleýmettik-saiasi qatynastar teoriiasy» mamandyǵy boiynsha 1991 jyly Resei qoǵamdyq ǵylymdar akademiiasynyń áleýmettik-saiasi fakýltetin támamdaǵan. Ekonomika ǵylymdarynyń doktory.
1990 jyldan - QazKSR Memagroónerkásip tóraǵasynyń birinshi orynbasary. 1992 jyldan - Almaty oblystyq ákimshiliginiń basshysy. 1994 jyldan - QR Premer-Ministriniń orynbasary.
1996 jyldan - QR Memlekettik hatshysy. 1996 jyldan - QR Premer-Ministriniń birinshi orynbasary - Memlekettik qarjy salymdar komitetiniń tóraǵasy. 1998 jyldan - QR Prezidenti Ákimshiliginiń basshysy. 1998 jyldan - QR Beniliýks memleketterindegi Tótenshe jáne Ókiletti Elshisi.
2001 jyldan - QR Aýyl sharýashylyǵy ministri. 2002 jyldan - QR Premer-Ministriniń orynbasary - Aýyl sharýashylyǵy ministri. 2004 jyldan - QR Premer-Ministriniń orynbasary. 2006 jyldyń qańtar aiynan - QR Aýyl sharýashylyǵy ministri. 2008 jyldan beri - Almaty qalasynyń ákimi.
«Nur Otan» HDP qalalyq filialynyń tóraǵasy (2008 jyldan).
2015 jyldyń 9 tamyzynan "Astana EKSPO-2017" UK basqarmasynyń tóraǵasy qyzmetin atqardy.
«Qurmet belgisi» (1982), «Parasat» (2002), «Otan» (2007) ordenderimen marapattalǵan.
