Foto:elements.envato.com
Almaty oblysy Densaýlyq saqtaý basqarmasy Esiktegi turmystyq janjal kezinde zardap shekken tórt adamnyń jaǵdaiy týraly aitty, - dep habarlaidy Massaget.kz.
Densaýlyq saqtaý basqarmasy ókili 5 qarashaǵa qaraǵan túni Eńbekshiqazaq kópsalaly aýdanaralyq aýrýhanasynyń qabyldaý bólimine zardap shekken tórt adam túskenin aitqan.
Vedomstvo málimetinshe, 1991 jyly týǵan naýqas keýde qýysynan jaraqat alǵan. Qazir ol beiindi bólimge aýystyrylǵan. Jaǵdaiy turaqty. 1984 jylǵy taǵy bir naýqastyń dene jáne ish qýysynda pyshaq jaraqaty bolǵan. Oǵan ota jasalǵan, jansaqtaýda jatyr, jaǵdaiy óte aýyr, jasandy tynys alý apparatyna qosylǵan.
1987 jylǵy naýqastyń jelke aimaǵynda kesilgen jaralar jáne oń jaq iyǵynda jaraqat bolǵan. Ol travmatologiia bólimine jatqyzylǵan, jaǵdaiy turaqty. Taǵy bir naýqas tekseristen keiin ambýlatorlyq em alýǵa jiberilgen.
Almaty oblysynyń politseileri de olar turmystyq janjal kezinde zardap shekkenin atap ótti. Olardyń biri alǵan jaraqattarynan qaza bolǵan. Bul is Qylmystyq kodekstiń 99-baby 2-bóligi boiynsha tergelip jatyr.
