Almaty oblysynyń politseileri Eńbekshiqazaq aýdanynyń ortalyǵy Esik qalasynda bolǵan atysqa qatysýshylardyń birin ustady, - dep habarlaidy "Ult aqparat".
Ustalǵan 30 jastaǵy er adam bolyp shyqty. Qazir ol qamaýǵa alynǵan. Tártip saqshylarynyń aitýynsha, er adam - qylmysqa qatysy bar negizgi kúdikti.
"Politsiia oqiǵanyń qalǵan qatysýshylaryn ustaýǵa baǵyttalǵan jedel is-sharalardy jalǵastyryp jatyr. Is Qylmystyq kodekstiń úsh baby - "Adam óltirý", "Adam óltirýge oqtalý" jáne "Qarý qoldana otyryp buzaqylyq jasaý" boiynsha tergelip jatyr. Qylmystyq izdestirý barysy oblystyq Politsiia departamenti basshylyǵynyń erekshe baqylaýynda", - dedi oblystyq PD baspasóz qyzmeti ókilderi.
