Almaty oblysynyń Eńbekshiqazaq aýdanynda adamnyń súiekteri tabyldy, dep habarlaidy "Ult aqparat".
Bul oqiǵa jaily video áleýmettik jelide tarady. Beinejazba avtory Esik qalasyndaǵy perzenthana mańynan adamnyń súiekteri tabylǵanyn aitady.
Videodan adamnyń bas súiegin kórýge bolady.
«Bálkim bul jerde qorǵan bolǵan shyǵar» dep pikir bildiredi video avtory.
Eńbekshiqazaq aýdany ákiminiń baspasóz qyzmeti oqiǵanyń mán-jaiyn túsindirdi.
«Súiekter Esik qalasynyń janynda ornalasqan Bólek aýyldyq okrýginen tabyldy. Bul jer - «Romashka» dep atalatyn saiajai. Ol súiekter ashyq-shashyq shashylyp jatqan joq. Jerdi qazý barysynda shyqqan. Dál osy jerde sý qubyryn júrgizý jumysy júrgizilip jatyr. Súiekti tapqan da - sol mekemeniń jumysshylary. Qazir «Altyn adam» murajaiynyń arheologtary oqiǵa ornyna keldi. Súiekterdi jinap, saraptamaǵa jiberedi» dep málim etti atalǵan vedomstvonyń baspasóz qyzmeti.
