2021 jyldan bastap «Esik», «Berel» jáne «Shilikti» vizit ortalyqtary jumysyn bastaidy. Bul jańalyqty Mádeniet jáne sport ministri Aqtoty Raiymqulova málim etti, dep habarlaidy "Ult aqparat".
«Elimizdiń barlyq jetekshi mýzei qoryqtarynyń aýmaǵynda vizit ortalyqtardyń qurylysy, mýzeifikatsiia jumystary júrip jatyr. Ótken jyly Túrkistan oblysyndaǵy «Otyrar» jáne Almaty oblysyndaǵy «Tańbaly» vizit ortalyqtarynyń qurylysy aiaqtaldy. Biyl «Ulytaý», «Gaýhar ana», «Ordabasy» jáne «Saýran» mýzei-qoryqtarynyń vizit ortalyqtary qurylysyn aiaqtaýdy josparlap otyrmyz. Sonymen birge 2021 jyldan bastap «Esik», «Berel», «Shiliktini» iske qosýdy kózdeýdemiz», - dedi Aqtoty Raiymqulova OKQ alańy arqyly halyq aldynda esep berý kezdesýinde.
Sonymen birge Aqtoty Raiymqulova 2019 jyly «Álem mýzeii boiynsha Altyn adamnyń sherýi» halyqaralyq kórme jalǵasyn taýyp, úsh jyl ishinde kórme 12 elde uiymdastyrylǵanyn atap ótti.
«QR Ulttyq mýzeii men Almaty qalasyndaǵy QR Ortalyq memlekettik mýzeii onlain týrlar men virtýaldy ekskýrsiialar boiynsha TMD elderiniń úzdik tarih jáne mádeniet mýzeileri reitingisinde TOP-5 qataryna engenin erekshe atap ótkim keledi. 2019 jyldan bastap «Mýzeiler sherýi» respýblikalyq aktsiiasy iske qosylyp, 125 otandyq mýzeide kelýshilerdiń sany 150 myń adamdy qurady», - dedi ministr.
