Merzimdi qyzmetke shaqyrylǵan Talǵat Aitmuhanov. © lada.kz
Mańǵystaý oblysynda merzimdi qyzmettegi sarbaz Talǵat Aitmuhanov boryshyn óteýge shaqyrylǵannan keiin bir apta ótkende aýylyna, Beineý aýylyna qaitaryldy. Istiń mán-jaiyn áskeri politsiia tergep jatyr, - dep habarlaidy Tengrinews.kz tilshisi "Lada" basylymyna silteme jasap.
Jigitke áskerge mamyrdyń basynda shaqyrtý kelgen. Merekelerden keiin ol áskeri komissariatqa baryp, meditsinalyq baqylaýdan ótip úlgermegendikten ýaqytyn shegerýdi suraǵan.
Týystarynyń aitýynsha, áskeriler ony aýrýhanaǵa ózderi aparyp, teksergennen keiin birden sol kúni 25744 áskeri bólimshesine qyzmetke jibergen. Al bir aptadan keiin Talǵatty úiine qaitarǵan.
"Ol eshkimdi tanymai qalǵan. Qaida, ne istep júrgenin bilmeidi. Ákesin kórgende eshqandai reaktsiiasy bolmady. Sarbazdy kóre me, ákesin kóre me, báribir. Biraq familiiasy men jasyn biledi, úii men otbasyn bilmeidi", - deidi sarbazdyń týysy Qairat Násibaev.
Magnittik-rezonanstyq tomografiia zertteýi onyń boiynda eshqandai aýytqýy joq ekenin anyqtaǵan. Jaýyngerdiń denesinde uryp-soǵý belgileri de tabylmapty.
VIDEO
25744 áskeri bólimi komandiriniń tárbie jumysy jónindegi orynbasary Renat Sháripov 11 mamyrda Aitmuhanov shaqyrý pýnktine kelgenin, onda týystaryna onyń qyzmet orny týraly habarlaǵanyn málimdedi. Onyń aitýynsha, sarbaz meditsinalyq tekserýden sátti ótip, densaýlyq jaǵdaiyna shaǵym bildirmegen.
Sháripovtiń aitýynsha, meditsinalyq komissiiadan ótý jáne odan ári merzimdi áskeri qyzmetke shaqyrý úshin aýdandyq qorǵanys isteri jónindegi bólimge májbúrlep jetkizilgeni týraly aqparat jalǵan.
VIDEO
Merzimdi qyzmetke shaqyrylǵan Talǵat Aitmuhanov. © lada.kz
