Eshbir qalada, eldi mekenniń mańynda artilleriialyq oq-dári bolmaidy. Bul týraly Senatta tilshiler saýalyna jaýap berý kezinde QR Qorǵanys ministri Nurlan Ermekbaev málim etti, dep habarlaidy "Ult aqparat".
«Qoimalarda oq-dárini saqtaý tártibine qatysty tekserýler turaqty túrde júrgizilip turady. Apatqa deiin Arysta da birneshe tekserý júrgizilgen bolatyn. Qandai da bir kemshilikter anyqtalyp, barlyǵy joiylǵan edi. Qazirgi kezde barlyq garnizon men qalalar boiynsha taǵy bir tekserýdi taǵaiyndadym. Bizdiń maqsat - eshbir qalada, eldi mekenniń mańynda eshqandai artilleriialyq oq-dárini qaldyrmaý. Tek áskeri bólimder aýmaǵyn kúzetý úshin atys qarýy patrondary ǵana saqtalady», - dedi ministr.
Budan buryn habarlanǵandai, Nurlan Ermekbaev Arystaǵy jarylys boiynsha tergeý amaldary shamamen bir aidyń ishinde aiaqtalatynyn atap ótti.
