Nur-Sultan qalasy ózbek etnomádeni ortalyǵynyń tóraǵasy, Qazaqstan halqy Assambleiasynyń múshesi Sherzor Pýlatov Abai týraly kitaptyń tusaýkeserinde uly oishyldyń týyndylary týraly pikir bildirdi, dep habarlaidy QazAqparat.
«Uly Abaidyń 175 jyldyǵyn atap otyrǵan biz onyń eńbekterin qazaq ádebietine ǵana emes, álem ádebietine qosqan úlesi úshin qurmet tutamyz. Abaidyń óleńderi kez kelgen adamnyń júregine jol tartady. Shyn máninde uly oishyldyń shyǵarmalarymen tanysa otyryp óz janymyzdy túsine bastaimyz. Abai búkil ǵumyryn ádildik, izgilik izdeýge arnady. «Adamzattyń bárin súi baýyrym dep». Bul – erekshe kúsh beretin, tereń maǵynaly sóz. Men onyń osy ustanymyn óz ómirimde qoldanamyn», - deidi Sherzor Pýlatov.
Onyń aitýynsha, QR Prezidenti Qasym-Jomart Toqaev «HHI ǵasyrdaǵy Abai jáne Qazaqstan» atty maqalasynda qazaq halqynyń aldynda uly Abaidyń eńbekterin zerdelep, ózin ózi tanyp jáne qazaq halqynyń qundylyqtaryn álemdik mádenietke tanytý mindeti turǵanyn aitqan.
«Abai óz týyndylary arqyly túrli saladaǵy kemshilikterge toqtalyp ótedi. Bul – qazaq halqyna ǵana emes, adamzatqa tán nárse bolyp qala beredi. Qazaq ádebietiniń negizin qalaýshi túrki halyqtarynyń tilderin zertteýdi jaqsy kórgenin atap ótken jón. Eshbir aýdarma oishyldyń ne aitqysy kelgenin tolyq jetkize almaidy. Búgin tusaýy kesiletin kitap – óte mazmundy jáne joǵary baǵa berýge bolatyn týyndy. Kitapty shyǵarýǵa atsalysqandardyń bárine alǵys aitamyn», - deidi ol.
Eske sala ketsek, búgin Facebook-tegi Qazaqstan halqy Assambleiasynyń paraqshasynda Abai týraly «Álemdi aialaǵan sóz» atty kitaptyń tusaýkeseri boldy.
