Memleket basshysy Qasym-Jomart Toqaevtyń Qazaqstan halqyna byltyrǵy Joldaýynda kvazimemlekettik sektor jumysynyń tiimdiligin arttyrýdy tapsyrǵan edi. Alaida Esep komitetiniń basshysy Natalia Godýnovanyń aitýynsha, bul baǵyttaǵy jumystyń tiimdiligi ázirge baiqalmaidy, dep habarlaidy "Ult aqparat".
«2007 jyldan bastap 2019 jylǵa deiin holdingterge ulttyq resýrstardyń esebinen 7,5 trln teńge berilgen. Bul – el biýdjetiniń 7 eselengen kólemine teń. Onymen qoimai, holdingterdiń bul qarajatty jalpyulttyq maqsatqa jumsaýyna monitoring júrgizilmeidi. Bul jerde kvazimemlekettik sýbektilerdiń árbiriniń rólin aiqyndaý kerek», - dedi Natalia Godýnova Parlament Senatynyń otyrysynda.
Onyń aitýynsha, respýblikalyq biýdjet memlekettik kompaniialardyń tabys kózine ainalǵan.
«Aqyry memleketten qoldaý alýy tiis qarapaiym kásipker joǵarylatylǵan stavkamen nesie alýǵa májbúr», - dedi ol.
