Jumys berýshi qyzmetkerler úshin ýaqytyly aýdarym jasamaǵan jaǵdaida ol olardyń quqyǵyn buzady. Óitkeni bul zeinetkerlik ótilin jáne zeinetaqynyń mólsherin anyqtaýǵa, sondai-aq azamattardy áleýmettik qoldaýdyń basqa sharalaryna áser etedi, dep habarlaidy "Ult aqparat" Memlekettik kirister komitetine silteme jasap.
Memlekettik kirister komiteti jumys berýshiler jeke tabys salyǵy boiynsha deklaratsiiasynda qyzmetkerlerdiń tolyqtai kórsetilýine avtomattandyrylǵan baqylaýdy bastady.
Bul rásim QR elektrondyq eńbek kelisimshartyn esepke alýdyń biryńǵai júiesinde tirkelgen eńbek kelisimsharty negizinde júzege asyrylady.
Sondyqtan, Memlekettik kirister komiteti salyq esepbinde barlyq qyzmetkerlerdi, olardyń naqty kirisin jáne zeinetaqy jarnasy men áleýmettik tólem aýdarymy tolyq kórsetilýi qajettigin eske salady.
Tek biyldyń ózinde jumys berýshilerge 706 myń qyzmetkerge qatysty 46 myńǵa jýyq buzýshylyq týraly habarlama joldandy.
Atap aitqanda, 41 myń jumys berýshi óz qyzmetkerlerin kórsetpeidi, 5 myń jumys berýshi 150 myń jumyskerdi salyq esebinde kórsetpei tapsyrady.
Eske sala keteiik, ekonomikanyń jekelegen salalary úshin 2020 jyldyń 31 jeltoqsanyna deiin jalaqy qorynan jeke tabys salyǵy men áleýmettik tólemderdi tóleýden bosatý engizilgen bolatyn.
