Almatyda Esentai ózeninde kir kóbik paida boldy. Mamandar saraptama júrgizýde, dep habarlaidy "Ult aqparat".
Esentai ózenindegi «sabynǵa» uqsas las kóbiktiń sýretterin Facebook-te almatylyq Olga Gýmirova jariialady. Onyń aitýynsha, bul - bul birinshi jaǵdai emes.
«15 mamyr kúni shamamen keshki saǵat 16-da ózenniń betinde kóbik paida boldy. Tanys sanitar dárigerdiń paiymdaýynsha, ózenge joldy óndeitin reagent aǵyp kelgen»,– dep jazdy ol.
Osyǵan bailanysty qalanyń jasyl ekonomika basqarmasy 19 mamyrda kóshpeli jiyn uiymdastyrdy.
«Jiynǵa qalanyń jasyl ekonomika basqarmasy, Medeý jáne Bostandyq aýdany ákimdikteri, sanitarlyq-epidemiologiialyq qadaǵalaý basqarmasynyń qyzmetkerleri men ótinish berýshiler qatysty. Zertteý júrgizý úshin sý men kóbik synamasyn alý týraly sheshim qabyldandy. Taldaý nátijesi boiynsha tiisti sharalar qabyldanady», - dep tolyqtyrdy basqarmadan.
