Erjan Maksim Birinshi Respýblikalyq "Jas Órken" balalar baiqaýynyń syilyǵymen marapattalady. Bul týraly «Respýblika-Aimaq-Damý» qoǵamdyq qorynyń prezidenti Ǵalym Baitoq Feisbýktegi paraqshasynda habarlady, dep jazady QazAqparat.
«Ózderińiz biletindei, Erjan Maksim Birinshi Respýblikalyq "Jas Órken" balalar konkýrsynyń qurmet syilyǵymen ("Priznanie goda"!) marapattalady. Buǵan azamattyq qoǵam belsendileri jas darynymyzdy osy marapatqa usynǵan soń qol jetkizip otyrmyz. Aitpaqshy, Erjan 2019 jylǵy 23 mamyrda Qostanaida ótetin marapattaý rásiminde án shyrqap berýge sóz berdi» delingen habarlamada.
Biyl Máskeýdegi «Golos. Deti» baiqaýynda ekinshi oryn alǵan Erjan Maksim osy baiqaýdan soń kópshilikke keńinen tanyldy. Tipti, bul dodada kóptegen reseilikter qazaqstandyq jas ónerpazǵa jankúier boldy.
Osy baiqaýdan soń, ánshini QR Mádeniet jáne sport ministri Arystanbek Muhamediuly qabyldap, oǵan elordadaǵy «Shabyt» óner akademiiasy janynan grant bólinetindigin jetkizgen edi.
Aita keteiik, "Jas Órken" syilyǵy «Jas zertteýshi», «Jas daryn», «Jas tolaǵai», «Jas patriot», «Jas ekolog», «Jas qanat», «Jas bishi», «Jas qalam», «Jas bloger», «Úzdik erikti» «Jas aqyn», «Jas sýretshi», «Jas mýzykant» nominatsiialary boiynsha óz qatarynan ozyp shyqqan balalarǵa beriledi.
