Erjan Maksim 14 jeltoqsanda Bakýde ótetin «Qys 2019» festivalinde óner kórsetedi, dep habarlaidy "Ult aqparat".
«Osy festivalǵa qatysýǵa, shamamen bir jarym ai buryn onyń uiymdastyrýshylarynan bizge usynys kelip tústi. Olar Erjandy túrli baiqaýlardan kórip, unatyp, shaqyrýǵa sheshim qabyldaǵan. Festivalǵa halyqaralyq masshtabta tanylyp júrgen, talantty balalar shaqyrtylýda. Jáne de sharaǵa qatysýǵa osy el ishinen de kasting arqyly balalar iriktelip alynǵan», - dedi Erjannyń anasy Gúlmira Álibek QazAqparat tilshisine.
Sondai-aq, Gúlmira Álibek Erjannyń armany týraly aitty.
«Erjannyń Dimash aǵasy siiaqty qazaq eliniń atyn shyǵarsam, qazaq elin álemge tanytsam, soǵan úlesimdi qossam degen óziniń arman tilekteri bar. Nátijesinde osy festivalga kelip qatysýdy uiǵardyq. Onyń ústine, bulda bir álemdik deńgeidegi festival dep oilaimyz»,- dedi G.Álibek.
