Erjan Babaqumarov QR Prezidenti Ákimshiliginiń Taldaý jáne boljamdaý ortalyǵynyń meńgerýshisi bolyp taǵaiyndaldy, dep habarlaidy "Ult aqparat" Aqordaǵa silteme jasap.
«Memleket basshysynyń Ókimimen Erjan Jalbaquly Babaqumarov Qazaqstan Respýblikasy Prezidenti Ákimshiliginiń Taldaý jáne boljamdaý ortalyǵynyń meńgerýshisi bolyp taǵaiyndaldy», - delingen Aqordanyń resmi saitynda.
Aita ketsek, Memleket basshysynyń Jarlyǵymen Qazaqstan Respýblikasy Prezidenti Ákimshiliginiń qurylymyna tiisti ózgeris engizile otyryp, Taldaý jáne boljamdaý ortalyǵy qurylǵan bolatyn.
Erjan Jalbaquly Babaqumarov 1969 jyly 2 naýryzda dúniege kelgen. Ál-Farabi atyndaǵy Qazaq memlekettik ýniversitetin (1991) saiasat tarihynyń oqytýshysy mamandyǵy boiynsha jáne osy ýniversitettiń aspirantýrasyn (1995) bitirgen.
1995-2004 jyldary – Qazaqstannyń Damý institýty Saiasi zertteýler ortalyǵynyń ishki saiasat bólimin meńgerýshisi, direktory; Almaty qalasy ákim apparatynyń bas mamany; QR Prezidentiniń Ákimshiliginiń aǵa referenti, keńesshisi, sektor meńgerýshisi, Ishki saiasat bólimi meńgerýshisiniń orynbasary; QR Prezidentiniń Ákimshiliginiń áleýmettik-saiasi bóliminiń bas inspektory; ishki saiasat basqarmasynyń aqparattyq-taldaý ortalyǵynyń meńgerýshisi.
2006 jyldyń aqpan aiynan – QR mádeniet jáne aqparat vitse-ministri. 2007 jyldan – QR Mádeniet jáne aqparat ministrliginiń jaýapty hatshysy. 2008 jyldan – QR Premer-ministri Keńsesiniń meńgerýshisi. «Qazaqstan» Respýblikalyq teleradiohabarlar taratý korporatsiiasy» AQ Direktorlar keńesiniń tóraǵasy; «Qazaqparat» UK» Direktorlar keńesiniń tóraǵasy (2006-2008); «Qazaqstandyq telekommýnikatsiialar» AQ Direktorlar keńesiniń tóraǵasy.
