Erjan Babaqumarov QR Prezidentiniń Ókimimen jańa qyzmetke taǵaiyndaldy, dep habarlaidy "Ult aqparat" Aqordaǵa silteme jasap.
«QR Prezidentiniń Ókimimen Erjan Jalbaquly Babaqumarov Qazaqstan Respýblikasy Prezidentiniń keńesshisi - Qazaqstan Respýblikasy Prezidenti Ákimshiliginiń Taldaý jáne boljamdaý ortalyǵynyń meńgerýshisi qyzmetine taǵaiyndaldy, ol burynǵy atqarǵan qyzmetinen bosatyldy», delingen habarlamada.
Erjan Babaqumarov 1969 jyly 2 naýryzda Taldyqorǵan oblysy (Almaty oblysy) Qarabulaq kentinde týǵan.
Qazaq memlekettik ýniversitetin jáne aspirantýrasyn bitirgen.
Qazaqstan damý institýtynyń bólim meńgerýshisi, Saiasi zertteýler ortalyǵynyń direktory, Almaty qalasy ákimdigi apparatynyń bas mamany qyzmetterin atqarǵan.
1996-2006 jyldary - Qazaqstan Respýblikasy Prezidenti Ákimshiliginiń aǵa referenti, konsýltanty, sektor meńgerýshisi, bólim meńgerýshisiniń orynbasary, Áleýmettik saiasi bóliminiń bas inspektory, Aqparattyq-taldama ortalyǵynyń meńgerýshisi, QR Prezidenti Ákimshiligi Aqparattyq taldaý bóliminiń meńgerýshisi.
2006-2008 jyldary Qazaqstan Respýblikasy Mádeniet, aqparat jáne sport vitse-ministri, Qazaqstan Respýblikasy Mádeniet jáne aqparat ministrliginiń jaýapty hatshysy bolǵan.
2008-2012 jyldary - QR Premer-Ministriniń Keńsesi basshysynyń orynbasary, 2012 jylǵy qazannan 2016 jylǵa deiin Ortalyq kommýnikatsiialar qyzmetiniń basshysy boldy; QR Premer-Ministri keńsesi basshysynyń orynbasary (2016-2018).
2018 jyldyń jeltoqsan aiynda Qazaqstan Respýblikasy Prezidenti Ákimshiliginiń Taldaý jáne boljamdaý ortalyǵynyń meńgerýshisi bolyp taǵaiyndaldy.
Qazaqstanda, Reseide, Úndistanda, Ýkrainada basylǵan 50-den astam ǵylymi jariialanymnyń avtory. Saiasattaný ǵylymdarynyń kandidaty, Qazaqstan Respýblikasy Saiasattaný ǵylymdary akademiiasynyń akademigi, Qazaqstan saiasi ǵylymdar qaýymdastyǵynyń múshesi. «Qurmet» ordenimen, medaldarmen marapattalǵan.
