Almaty ákimi Baqytjan Saǵyntaevtyń tapsyrmasymen qala basshysynyń orynbasary Erjan Babaqumarov qalalyq infektsiialyq jáne provizorlyq aýrýhanalardyń bas dárigerlerimen videokonferentsiia rejiminde keńes ótkizdi, dep habarlaidy "Ult aqparat".
Oǵan sondai-aq Almaty qalasynyń memlekettik bas sanitarlyq dárigeri Jandarbek Bekshin, Qoǵamdyq densaýlyq basqarmasynyń basshysy Tileýhan Ábildaev qatysty. Quzyrly organ basshylary COVID-19 juqtyrǵan naýqastarmen jumys isteitin meditsina qyzmetkerleriniń eńbek qaýipsizdigin qamtamasyz etý boiynsha qabyldanyp jatqan sharalar týraly esep berdi.
Sondai-aq ishki infektsiialyq baqylaýdy kúsheitý, epidemiiaǵa qarsy rejim standarttaryn saqtaý jáne dárigerler men meditsina qyzmetkerleriniń eńbek qaýipsizdigi máseleleri qaraldy.
Meditsinalyq uiymdardy jeke qorǵanys quraldarymen qamtamasyz etý, ony personaldyń durys paidalanýyn qadaǵalaý máselesi sóz boldy.
Infektsiialyq palatalardaǵy súzgi-bokstarynyń jumysyn uiymdastyrý, mekemelerdiń bólmelerdi «taza» jáne infektsiialanǵan aimaqtarǵa bólý qaǵidatyn saqtaýy, sondai-aq jeldetý, beinebaqylaý júieleriniń jumys isteýi, qabyldaý bólimsheleriniń «3H» (triaj) júiesiniń jumysyn uiymdastyrý jáne basqa da máseleler tilge tiek etildi.
Almaty qalasynyń memlekettik bas sanitarlyq dárigeri Jandarbek Bekshin meditsinalyq uiymdar qabyldaǵan eńbek qaýipsizdigi sharalary boiynsha jaǵdaiǵa egjei-tegjeili taldaý jasap, baiandady.
Búginde Almatyda 1320 oryndyq 7 juqpaly statsionar jumys isteidi. Al provizorlyq emdeýge 1164 oryndyq 12 statsionar belgilendi.
Almaty qalasy ákiminiń orynbasary Erjan Babaqumarov Qoǵamdyq densaýlyq basqarmasyna meditsinalyq uiymdar men karantindik nysandardaǵy qorǵaý rejimin qamtamasyz etýdi erekshe baqylaýǵa alýdy tapsyrdy. Al Taýarlar men qyzmetterdiń sapasy men qaýipsizdigin baqylaý departamentine bul máseleni turaqty baqylaýda ustaý júkteldi.
