Qazaqstan Prezidentiniń burynǵy keńesshisi Ermuhamet Ertisbaev respýblikadaǵy Qytaiǵa qarsy narazylyqtarǵa AQSh-tyń qatysy bar dep sanaidy.
"Qytaimen saýda soǵysyn júrgizip jatqandyqtan, bul Amerikanyń isi dep oilaimyn. Amerika ǵana Beijińniń Shyńjań Uiǵyr avtonomiialyq aýdanyndaǵy saiasatyna qarsy shyǵyp jatyr", - dedi Ertisbaev "Vremia" gazetine bergen suhbatynda.
Ol Vashington Beijińniń Shyńjańdy damytýǵa qomaqty qarjy salǵanyn elemei otyrǵanyn aitty.
"Amerika Qytaidyń tez kóterilýine kópten beri alańdap otyr. Qytailar chipke jetetin bolsa – bitti! Amerika №1 derjava bolýdan qalady", - dep boljady Ertisbaev.
Ertisbaevtyń aitýynsha, Qytaidyń basty maqsaty – infraqurylym. Qytai ázirge Qazaqstan naryǵyna úlken qyzyǵýshylyq tanytyp otyrǵan joq.
Saiasatker Qazaqstannyń Qytai aldyndaǵy syrtqy qaryzy týraly aita kele, ol "ajaldy emes" jáne Ulttyq qordyń qarajaty esebinen erteń-aq ótep tastaýǵa bolady dep sendirdi.
Eske sala keteiik, 2019 jyldyń qyrkúiek aiynyń basynda Toqaevtyń Qytaiǵa sapary qarsańynda Qazaqstannyń tórt qalasynda – Nur-Sultan, Almaty, Aqtaý jáne Jańaózende Qazaqstanda 55 qytai zaýytynyń salynýyna qarsy mitingiler ótken edi.
