Pavlodar oblysy aýmaǵyndaǵy «Ertis ormany» rezervatyndaǵy órt aýyzdyqtaldy. Bul jaiynda TJM resmi ókili Talǵat Ýáli málim etti, dep habarlaidy "Ult aqparat".
«19 sáýir kúni saǵat 8-30-da Pavlodar oblysy «Ertis ormany» rezervatyndaǵy órt sóndirildi. Ishki janý men qatty jelge bailanysty ot úsh baǵytta taraldy. Eki baǵyt boiynsha qaraýyldaý, úshinshi baǵytta sóndirý jumystary júrgizildi. Órttiń aýdany shamamen 1000 gektardy qurady. Onyń ishinde ormandy alqap - 300 gektar. Órtti sóndirýge 50 tehnika jáne 206 adam jumyldyryldy»,- dedi ol.
Buǵan deiin Pavlodar oblysy Sharbaqty aýdanynda ornalasqan «Ertis ormany» rezervatyndaǵy órt 1000 gektar aýmaqty sharpyp úlgergenin, oqiǵa ornynda 45 tehnika jáne TJD jeke quramynyń 183 órt sóndirýshisi jumys istep jatqanyn habarlaǵan edik.
