Órt Pavlodar oblysy Sharbaqty aýdany Arbiǵan aýylynan 5 shaqyrym jerden bastalǵan, dep habarlaidy "Ult aqparat".
Pavlodar oblysy boiynsha Tótenshe jaǵdailar departamentiniń baspasóz qyzmetiniń málimetine sai, órt sharpyǵan aýmaq 300 gektar shamasynda.
Órt 13:34-te Arbiǵan aýylynan 5 shaqyrym jerden bastalǵan. «Kazgidromet» dereginshe, saǵat 18:00-de ol jerdegi aýa temperatýrasy +18 gradýs, jeldiń jyldamdyǵy sekýndyna 7-16 metr, aýa ylǵaldyǵy 25 protsent bolǵan.
Keshki segizge qarai Pavlodar oblysy ákiminiń orynbasary Asain Baihanov oqiǵa ornynda 129 TJ mamany jumys istep jatqanyn Instagramdaǵy paraqshasynda málimdedi. Ol jerge, sondai-aq, TJD bastyǵy Ernur Ótegenov te bardy.
Órtti ormandy qorǵaý qyzmetiniń jáne TJD mamandary, erikti órtsóndirýshi quram ókilderi, Chigirinovka jáne Alekseevka aýyldarynyń órt sóndirý beketteriniń qyzmetkerleri kólik jáne tikushaqty paidalana otyryp sóndirip jatyr.
