Pavlodar oblysy Sharbaqty aýdanynda ornalasqan «Ertis ormany» rezervatyndaǵy órt 1000 gektar aýmaqty sharpyp úlgerdi. Oqiǵa ornynda 45 tehnika jáne TJD jeke quramynyń 183 órt sóndirýshisi jumys istep jatyr, dep habarlaidy oblystyq TJD baspasóz qyzmeti.
«23:30-daǵy jaǵdai boiynsha joldanǵan aqparatqa sai, órt Sharbaqty aýdany Galkinsk aýyldyq okrýgindegi dala orman sharýashylyǵynyń № 46, 47, 48, 49, 64-73 kvartalynda bolyp jatyr. Ormandy alqapta qurǵaq shóp jáne aǵashtar (qaraǵai) órtenýde. Jalyn sharpyǵan aýmaq 1000 gektarǵa jetti. Oqiǵa ornynda 45 tehnika jáne TJD jeke quramynyń 183 órt sóndirýshisi jumys istep jatyr. Japa shekkender joq» dep habarlady Pavlodar oblysy boiynsha TJD bastyǵy, azamattyq qorǵanys polkovnigi Ernur Ótegenov.
