Pavlodardyń «Ertis» fýtbol klýby áleýmettik jelide jariialanǵan qaýesetke qatysty jaýap berdi. Onda fýtbol klýby sotta jeńilip, endi eki million eýro tóleýge mindettelgeni kórsetilgen, dep habarlaidy "Ult aqparat" «Ertis» fýtbol klýbynyń saityna silteme jasap.
«Áleýmettik jelide atalmysh málimet 22 jeltoqsanda jariialandy. Onda fýtbol klýbynyń sotta jeńilip, eki million eýro tóleýge mindettelgeni jáne klýbtyń esep-shotyn júrgizýge tyiym salynǵany aitylǵan. Ol qaýesetti joqqa shyǵaramyz. «Ertis» klýbynyń eshkimniń aldyna bereshegi joq. Klýbtyń esep-shotyna eshqandai tyiym salynǵan joq. Jýrnalisterden aqparattyń naqty bolýy úshin derekti tekserip alýdy suraimyz. Jankúierlerden resmi derek kózine senim bildirýdi ótinemiz», - dep jazylǵan klýbtyń resmi aqparatynda.
