2022 jylǵy Qytai astanasy Beijiń qalasynda ótetin XXIV Qysqy Olimpiada oiyndaryna Qazaqstan quramasy erteń, iaǵni 27 qańtar kúni attanady, dep habarlaidy QazAqparat.
Qazaqstan Ulttyq Olimpiada komiteti habarlaǵandai, qazirgi tańda qazaqstandyq atletter jabyq karantin aimaqtarynda ornalasqan. Komandanyń negizgi bóligi Nur-Sultan men Almaty arqyly charterlik reispen Qytaiǵa ushady.
Al shetelderde oqý-jattyǵý jiynda júrgen sportshylar jeke grafik boiynsha Beijińge sol ózderi turǵan elden tóte ushyp barady.
Aita keteiik, atalǵan Aq Olimpiadada elimizdiń namysyn 34 sportshy qorǵaidy. Olar - qysqy sport oiyndarynyń ishinde sportttyń shańǵy jarysy, fristail-mogýl, shańǵy akrobatikasy, taý shańǵysy, shańǵymen sekirý, biatlon jáne short-trek túrlerinen júldeli oryndarǵa talasady.
Olimpiada oiyndary 4 aqpan kúni bastalyp, 16 aqpanda máresine jetedi. Aldyn ala málimetter boiynsha, bul oiyndarǵa álemniń 95 elinen 4 myńnan astam sportshy qatysady. Onda 109 medal jiyntyǵy sarapqa salynady.
