Qazaqstanda qatty aiazdyń qaitatyn túri joq, jeksenbi kúni ol batys jáne ońtústik óńirlerge yǵysty, dep habarlaidy Qazgidromet.
"Respýblikanyń barlyq aýmaǵyna antitsiklon áser etip, aýa raiy jaýyn-shashynsyz bolady. Kei jerlerde burqasyn, tuman, tómennen soqqan boran", —delingen aýa raiy boljamynda.
Almaty, Jambyl oblystarynda qatty aiaz, kei jerlerde óte qatty aiaz bolady, Ońtústik Qazaqstan oblysynda qatty aiaz, oblystyń soltústiginde óte qatty aiaz bolady.
Mańǵystaý oblysynda kei jerlerde óte qatty aiaz. Qaraǵandy oblysynda, Shyǵys Qazaqstan jáne Qyzylorda oblystarynyń kei jerlerinde óte qatty aiaz bolýy yqtimal.
Ońtústik Qazaqstan, Qyzylorda oblystarynda kei jerlerde burqasyn 15-20, uiytqýy 23-28 m/s.
Jambyl oblysynda kei jerlerde tómennen soqqan boran, tuman, burqasyn 15-20, uiytqýy 23 m/s.
Almaty oblysy Alakól aýdanynda jeldiń ekpini 18-23 m/s, túnde kei jerlerde tuman.
Soltústik Qazaqstan oblysynda, túnde Mańǵystaý, kúndiz Aqmola oblystarynda kei jerlerde burqasyn 15-20 m/s.
Shyǵys Qazaqstan oblysynda kei jerlerde tuman, burqasyn 15-20 m/s.
Qostanai, Pavlodar, Qaraǵandy oblystarynda kei jerlerde tuman túsedi.
