Elimizdiń jańa jyldyq bas shyrshasy dástúrli túrde EKSPO kórmesiniń aýmaǵynda ornalasqan. 25 metrlik jańa jyl simvolyn jaǵý rásimi 19 jeltoqsanda ótedi, dep habarlaidy elorda ákimdiginiń resmi saity.
"19 jeltoqsan kúni saǵat 19:00-de EKSPO kórmesiniń aýmaǵynda "Nur Álem" sferasynyń janynda elimizdiń jańa jyldyq bas shyrshany jaǵý rásimi bolady. Is-sharanyń resmi bóliminen keiin qonaqtar úshin merekelik kontsert ótedi. Sahnada tanymal estrada oryndaýshylary men elordanyń jas mýzykanttary óner kórsetedi. Juldyzdy oryndaýshylardyń arasynda-Marjan Arapbaeva, ánshi Dos, Rinat Maltsagov bar. Bul kesh jańa jyldyń basty keiipkerleri - Aiaz Ata men Aqshaqarsyz ótpeidi" delingen habarlamada.
Is-sharaǵa barlyq tilek bildirýshiler qatysa alady. Degenmen barlyq sanitarlyq normalardy saqtaý kerek.
