QR Parlamenti Májilisiniń depýtaty Ersultan Bekturǵanov tsifrlandyrýǵa qatysty pikir bildirdi, dep habarlaidy QazAqparat.
«Qazaqstanda eleýli tsifrlandyrý sharalary iske asyryldy. Bul baǵytta syn da aitylyp jatyr, biraq jetistikter de az emes. Karantin kezinde memlekettik qyzmetshilerdiń kóbisi úiden kompiýter nemese gadjet arqyly jumys istedi. Qazirgi kezde depýtattar da jeli arqyly qashyqtan jumysyn jalǵastyrýda. Túrli baǵdarlamalar múmkindigimen zań jobalaryn talqylap, jumys toptarynyń otyrystaryn ótkizýdemiz», - dedi E. Bekturǵanov QR Sybailas jemqorlyqqa qarsy qyzmettiń áleýmettik jelidegi paraqshasyndaǵy pikir almasý kezinde.
Osy oraida depýtat elimizde tsifrlandyrý tiisti deńgeide damyp kele jatqanyn atap ótti.
«Koronavirýs pandemiiasy kezinde bul salada damytatyn tyń baǵyttar bar ekeni aiqyn kórindi. Sondyqtan ary qarai ilgerilep, keibir apparattardy qysqartyp, jumys sapasyn arttyra alamyz», - dedi ol.
Budan buryn habarlanǵandai, tótenshe jaǵdaiǵa jáne karantinge bailanysty Májilistiń jumys rejimi ózgergen bolady.
Osy oraida depýtattarǵa Májilis ǵimaratyna tek jalpy otyrys kúnderinde, sondai-aq zań jobalary boiynsha komitet jáne jumys toptarynyń otyrystaryna kelýge keńes berildi. Al basqa kúnderi depýtattar telekommýnikatsiianyń múmkindikterin paidalana otyryp, qashyqtan jumys isteidi.
«Búgingi jalpy otyrys birshama ózgergen formatta ótip jatyr. Bizdiń keibir áriptesterimiz qatysyp otyrǵan joq, alaida alańdaýdyń reti joq, olardyń barlyǵy aman-esen. Dúniejúzilik densaýlyq saqtaý uiymynyń nusqaýyna sáikes, jasy 65-ten asqan keibir áriptesterimizge jalpy otyrysqa qatyspaýǵa jáne úilerinde bolýǵa keńes berdik», - dedi Májilis tóraǵasy Nurlan Nyǵmatýlin.
