Foto: Májilis otyrysy
Májilis depýtaty Ermurat Bapi "ArselorMittal Temirtaý" kompaniiasyna tiesili Kostenko shahtasynda bolǵan apatqa qatysty pikir bildirdi, - dep habarlaidy "Ult aqparat".
"Qudai saqtasyn! Biraq ókinishke qarai, kezinde Nursultan Nazarbaevtyń tikelei nusqaýymen Mittaldyń jeke menshigine berilgen "ArselorMittal Temirtaý" (AMT) kompaniiasyna qarasty Kostenko shahtasynda bolǵan apattan 200-den astam kenshi jer astynda qaldy degen habar keldi. Oqiǵa basynda qutqarý operatsiiasymen ainalysyp júrgen jigitterdiń habaryna qaraǵanda, órttiń arǵy jaǵynda, tereń zaboida qalǵan 30-ǵa jýyq adamdy qutqarý múmkindigi azaiǵan siiaqty...", - dep jazdy ol áleýmettik jelidegi paraqshasynda.
Onyń aitýynsha, Qazaqstan metallýrgiiasynyń flagmany atalǵan "Qarmetkombinatty" Mittaldyń menshiginen keri qaitaryp alý máselesi osydan birer ai buryn – kezekti adamdar ólimine ákelgen apattan keiin qozǵalǵan.
"Mine, Qazaqstan Respýblikasy Parlamentiniń Májilisinde biraz depýtat kótergen osy talapqa Úkimet atústi qarap, "AMT"-ny kimge beremiz dep yrǵalyp-jyrǵalyp júrgende kezekti apat boldy!
Álihan Smaiylov myrza, tehnika qaýipsizdigin qapersiz qaldyryp, Qaraǵandy kenshileriniń baýdai qyrylýyna jol bergen, jeke esebine túser milliardtar qýyp ketken Mittaldan "Karmetti" qaitaryp alýǵa ne kedergi? Siz áli kúnge deiin "eski Qazaqstan" jaqqa eleńdeýdi qoiyp, Qazaqstan halqyna qarai qashan bas burasyz?
"Amanat" partiiasynyń Parlamenttegi fraktsiiasy (Elnur Beisenbaev myrza), sailaýda jeńip shyqqan partiia retinde 8-shi shaqyrylymnyń alǵashqy sessiiasynda "amanattyqtar" usynǵan premer-ministrden "Karmettiń" menshik iesin jedel ózgertý protsessin bastaýdy talap etýdi suraimyn!" - deidi Ermurat Bapi.
