فوتو: مەجٸلٸس وتىرىسى
مەجٸلٸس دەپۋتاتى ەرمۇرات باپي "ارسەلورميتتال تەمٸرتاۋ" كومپانيياسىنا تيەسٸلٸ كوستەنكو شاحتاسىندا بولعان اپاتقا قاتىستى پٸكٸر بٸلدٸردٸ, - دەپ حابارلايدى "ۇلت اقپارات".
"قۇداي ساقتاسىن! بٸراق ٶكٸنٸشكە قاراي, كەزٸندە نۇرسۇلتان نازارباەۆتىڭ تٸكەلەي نۇسقاۋىمەن ميتتالدىڭ جەكە مەنشٸگٸنە بەرٸلگەن "ارسەلورميتتال تەميرتاۋ" (امت) كومپانيياسىنا قاراستى كوستەنكو شاحتاسىندا بولعان اپاتتان 200-دەن استام كەنشٸ جەر استىندا قالدى دەگەن حابار كەلدٸ. وقيعا باسىندا قۇتقارۋ وپەراتسيياسىمەن اينالىسىپ جٷرگەن جٸگٸتتەردٸڭ حابارىنا قاراعاندا, ٶرتتٸڭ ارعى جاعىندا, تەرەڭ زابويدا قالعان 30-عا جۋىق ادامدى قۇتقارۋ مٷمكٸندٸگٸ ازايعان سيياقتى...", - دەپ جازدى ول ەلەۋمەتتٸك جەلٸدەگٸ پاراقشاسىندا.
ونىڭ ايتۋىنشا, قازاقستان مەتاللۋرگيياسىنىڭ فلاگمانى اتالعان "قارمەتكومبيناتتى" ميتتالدىڭ مەنشٸگٸنەن كەرٸ قايتارىپ الۋ مەسەلەسٸ وسىدان بٸرەر اي بۇرىن – كەزەكتٸ ادامدار ٶلٸمٸنە ەكەلگەن اپاتتان كەيٸن قوزعالعان.
"مٸنە, قازاقستان رەسپۋبليكاسى پارلامەنتٸنٸڭ مەجٸلٸسٸندە بٸراز دەپۋتات كٶتەرگەن وسى تالاپقا ٷكٸمەت اتٷستٸ قاراپ, "امت"-نى كٸمگە بەرەمٸز دەپ ىرعالىپ-جىرعالىپ جٷرگەندە كەزەكتٸ اپات بولدى!
ەليحان سمايىلوۆ مىرزا, تەحنيكا قاۋٸپسٸزدٸگٸن قاپەرسٸز قالدىرىپ, قاراعاندى كەنشٸلەرٸنٸڭ باۋداي قىرىلۋىنا جول بەرگەن, جەكە ەسەبٸنە تٷسەر ميللياردتار قۋىپ كەتكەن ميتتالدان "كارمەتتٸ" قايتارىپ الۋعا نە كەدەرگٸ? سٸز ەلٸ كٷنگە دەيٸن "ەسكٸ قازاقستان" جاققا ەلەڭدەۋدٸ قويىپ, قازاقستان حالقىنا قاراي قاشان باس بۇراسىز?
"امانات" پارتيياسىنىڭ پارلامەنتتەگٸ فراكتسيياسى (ەلنۇر بەيسەنباەۆ مىرزا), سايلاۋدا جەڭٸپ شىققان پارتييا رەتٸندە 8-شٸ شاقىرىلىمنىڭ العاشقى سەسسيياسىندا "اماناتتىقتار" ۇسىنعان پرەمەر-مينيستردەن "كارمەتتٸڭ" مەنشٸك يەسٸن جەدەل ٶزگەرتۋ پروتسەسسٸن باستاۋدى تالاپ ەتۋدٸ سۇرايمىن!" - دەيدٸ ەرمۇرات باپي.
