QR Din isteri jáne azamattyq qoǵam ministri Nurlan Ermekbaevtyń aitýynsha, dál qazir qazaqstandyqtardyń kiim-kiisine naqty shekteý qoiýǵa bolmaidy. Alaida bolashaqta naqty bir sheshimniń qabyldanatynyna senim bildirdi, dep xabarlaidy QazAqparat.
"Elbasy Qazaqstan musylmandary dini basqarmasynyń ókilderimen kezdeskende anyq aitty, saqal, qysqa balaq pen qara oramal - ol kez kelgen kiim emes. Memleket basshysy aitqandai, bizde kiim tigýge bostandyq bar, ol bostandyqqa árbir azamat ie. Sonymen qatar, ádeiilep turyp, dini sipattaǵy kiim kiip, ózderin qoǵamnan oqshaý ustaýǵa tyrysyp júrgender arasynda aldymen túsindirý jumystaryn júrgizý kerek. Óitkeni olar bizge, Qazaqstan xalqyna, qazaq xalqyna da jat kiimderdi kiip, qazaq xalqynyń ókilderi emes, bóten elderdiń ókilderi siiaqty kórinedi. Ózderińiz jaqsy bilesizder, basqa elderde, mysaly Taiaý Shyǵysta jergilikti azamattarǵa da, basqa jaqtan keletin týristerge de kiim jaǵynan birqatar talaptar qoiylady. Al biz ózimizdiń qazaq xalqyna tán kiimderimizdi jáne qazirgi zamanaýi kiimderdi kiip júremiz. Sondyqtan bul másele óte ózekti ári názik. Sondyqtan ony jan-jaqty zerttep, saliqaly bir sheshimge kelemiz dep oilaimyn", - dedi Ermekbaev.
Úkimet otyrysynan keiin ótken baspasóz máslixatynda. Aita keteiik, Úkimettiń búgingi otyrysynda din salasyndaǵy memlekettik saiasattyń tujyrymdamasy tanystyryldy.
