QR din isteri jáne azamattyq qoǵam ministri ministri Nurlan Ermekbaev betti tumshalaityń kiimderge tyiym salý máselesine qatysty pikir bildirdi, - dep habarlaidy "Ult aqparat".
Bul týraly vedomstvo basshysy diplomatiialyq korpýs ókilderine arnalǵan brifing barysynda aitty.
"Bul joba qoǵamdyq jerlerde betti tumshalaityn kiimderdi tyiym salýdy qarastyrady. Bul zań jobasyn daiyndaý barysynda memlekettik organdar men sarapshylardyń, azamattardyń pikirleri eskerildi. Ásirese, halyqaralyq tájiribege nazar aýdardyq", - dedi Nurlan Ermekbaev óz sózinde.
Ministrdiń aitýynsha, sarapshylar mundai sharalardyń qoldanylýy azamattardy qaýipsizdikpen qamtamasyz etýge kómektesetinin eskertedi.
"Sol sebepti osy ispetti normalardy engizý týraly sheshim qabyldandy. Negizi, atalǵan máselege din turǵysynan emes, qaýipsizdik jaǵynan qaraý qajet. Shyn máninde, nikab, shadra, palaklava, párenji, ia bolmasa, maska siiaqty kiim-keshekter adamnyń betin tumshalap, quqyq qorǵaýshylardyń jumysyn qiyndatady. Osynyń saldarynan qaýipsizdiktiń deńgeii de tómendeidi. Sosyn ondai kiimder bizdiń qoǵamymyz úshin jat nárse. Adamdar ony ashyq aityp jatyr. Sol sebepti atalǵan normany engizýdi jón kórdik", - deidi QR din isteri jáne azamattyq qoǵam ministri ministri.
QR Din isteri jáne azamattyq qoǵam ministri Nurlan Ermekbaevtyń aitýynsha, sarapshylar atalǵan normany jan-jaqty pysyqtap shyqty, xalyqaralyq tájiribe zerdelendi. Halyq arasynda saýalnama da júrgizildi. Osy oraida qoǵamdyq qaýipsizdik máselesine basa nazar aýdaryldy.
Aita keteiik, QR Syrtqy ister ministrliginde ótken baspasóz máslixatynda QR Din isteri jáne azamattyq qoǵam ministri Nurlan Ermekbaev elshiler úshin arnaiy baspasóz máslixatyn ótkizdi. Ministr dini qyzmet jáne dini birlestikterge arnalǵan zańnamaǵa qandai ózgeristerdiń engiziletinin keńinen aityp berdi. Onyń sózine qaraǵanda, memlekettik qyzmetshilerdiń dini ustanymyna qatysty naqty úsh shekteý bolady.
