Sailaý kúni Almaty qalasynda narazylyqqa shyqqan belsendilerge basý aityp, taraýǵa shaqyrǵan Olimpiada chempiony Ermahan Ybyraiymov áleýmettik jelidegi paraqshasynda málimdeme jasady, dep habarlaidy "Ult aqparat".
"Assalaýmaǵaleikúm, qurmetti Qazaq eli jáne almatylyqtar!
Men, Ibraimov Ermahan Saǵiuly, 10.01 kúni Táýelsizdik alańynda bolǵan jaitqa qysqasha aqparat berip keteiin.Qurmetti, otandastar!!! Osy ýaqytqa deiin men halqymmen birge boldym jáne áli de birge bolatynymdy aitqym keledi. Miting kezinde narazylyq bildirgen halyqqa kúsh kórsetý maqsatynda emes, sabyrǵa shaqyrý úshin barǵan bolatynmyn. Biraq, qarsy toptardyń belsendileri maǵan keri pikir bildirip, meniń jeke namysyma tietin sózder aityp jatqasyn, jaqyndap baryp, bárin túsindirmekshi boldym. Sol tusta qarsy toptardyń arandatýshylary meni kadrǵa alyp, túrli baǵytta aqparattar taratyp jibergen bolatyn.
Iá, áleýmettik jelilerde sýretim men video tarap ketip, maǵan keri pikirler aitylýda. Onyń bárin syni turǵyda qabyldaimyn.
Alaida men osy sailaýǵa qatysýymnyń sebebi de qarapaiym halyq úshin ekenin taǵy da aitqym keledi. Sebebi tóbeme kóterip, qurmettegen halyqqa qarsy shyǵý meniń oiymda da bolmaǵan!
Sondyqtan qadirli qazaq eli, miting kezinde bolǵan jaǵdaidy qysqasha osylai túsindirgim keledi. Barlyǵy alda. El múddesi úshin alda áli de igilikti isterdi atqaratyn bolamyn.
Qurmetpen, Ibraimov Ermahan Saǵiuly!", - dep jazdy boksshy.
