Ózbekstanda jas erli-zaiypty birneshe ailyq ulyn qaryzdaryn óteý úshin satpaq bolǵan, dep habarlaidy ult.kz.
Sot olardy adam saýdasy babymen kináli dep tanyp, árqaisysyn bes jylǵa bas bostandyǵynan aiyrdy.
Qylmys jasalǵan kezde áiel 19 jasta, er adam shamamen 20 jasta bolǵan. Al olardyń balasy nebári birneshe ailyq edi.
Joǵarǵy sottyń málimetinshe, otbasy jumyssyz qalyp, baspanasyz qalǵannan keiin áiel kúieýine balasyn satyp, nesielerin óteýdi jáne Túrkiiaǵa ketýdi usynǵan.
Sot erli-zaiyptynyń ekeýin de adam saýdasyna qatysty bap boiynsha kináli dep tanydy. Balanyń budan keiingi taǵdyryn áleýmettik qorǵaý organdary sheshedi.
