Burynǵy syrtqy ister ministri Erlan Ydyrysov Ulybritaniiadaǵy Qazaqstan elshisi bolyp taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap
Memleket basshysy kezdesý barysynda jańa Syrtqy ister ministri Q.Ábdirahmanovty tanystyrdy.
Sonymen qatar, Nursultan Nazarbaev E.Ydyrysovtyń Qazaqstan Respýblikasynyń Ulybritaniiadaǵy elshisi bolyp taǵaiyndalǵanyn aityp, oǵan vedomstvo basshysy qyzmetinde atqarǵan jumysy úshin alǵys bildirdi.
Qazaqstan Prezidenti daǵdarys qubylystary men ózgergen jahandyq ahýal jaǵdaiynda Syrtqy ister ministrligi aldynda jańa kózqarasty talap etetin kóptegen jańa mindetter turǵanyn atap ótti.
– Qazaqstan 1 qańtardan bastap Birikken Ulttar Uiymynyń qaýipsizdik Keńesindegi jumysyna kirisedi. Osy qurylymǵa turaqty emes múshe bolyp sailaný – álemdik qoǵamdastyqtyń bizdiń elimizge degen qurmetiniń aiǵaǵy. Bul – iadrolyq qarýsyz álem qalyptastyrý jolyndaǵy qozǵalys salasyndaǵy jáne kún tártibindegi ózge de halyqaralyq máseleler boiynsha Qazaqstannyń jahandyq kóshbasshylyǵyn talap etetin jaýapty mindet, – dedi Memleket basshysy.
