Jańa ishki ister ministri Erlan Turǵymbaev BAQ ókilderimen dos bolýǵa ýáde berdi, dep habarlaidy Sputnik Qazaqstan tilshisi.
"Sizderden eshqaida qashpaimyn, dos bolamyz. Keńesshim bar, jumysty bastap kettik", - dedi Turǵymbaev úkimet kýlýarynda.
IIM basshysy rezonansty oqiǵalarǵa qatysty túsinikteme berýden bas tartyp, jýrnalisterge arnap bólek brifing uiymdastyratynyn aitty.
"Qazir jumyspen tolyq tanysyp, máselelerdi egjei-tegjei zertteiin. Keiin sizderdi bólek shaqyryp, reforma, aldaǵy josparlar týraly barlyǵyn aityp beremin", - dep ýáde etti ministr.
Aita ketsek, osy jyldyń 12 aqpanynda Qazaqstan prezidentiniń jarlyǵymen Erlan Turǵymbaev ishki ister ministri bolyp taǵaiyndaldy. Buǵan deiin ol ishki ister ministriniń orynbasary qyzmetin atqarǵan edi.
Al Ishki ister ministrligin segiz jyl basqarǵan Qalmuhanbet Qasymov Prezident kómekshisi – Qaýipsizdik keńesiniń hatshysy bolyp taǵaiyndaldy.
