جاڭا ٸشكٸ ٸستەر مينيسترٸ ەرلان تۇرعىمباەۆ باق ٶكٸلدەرٸمەن دوس بولۋعا ۋەدە بەردٸ, دەپ حابارلايدى Sputnik قازاقستان تٸلشٸسٸ.
"سٸزدەردەن ەشقايدا قاشپايمىن, دوس بولامىز. كەڭەسشٸم بار, جۇمىستى باستاپ كەتتٸك", - دەدٸ تۇرعىمباەۆ ٷكٸمەت كۋلۋارىندا.
ٸٸم باسشىسى رەزونانستى وقيعالارعا قاتىستى تٷسٸنٸكتەمە بەرۋدەن باس تارتىپ, جۋرناليستەرگە ارناپ بٶلەك بريفينگ ۇيىمداستىراتىنىن ايتتى.
"قازٸر جۇمىسپەن تولىق تانىسىپ, مەسەلەلەردٸ ەگجەي-تەگجەي زەرتتەيٸن. كەيٸن سٸزدەردٸ بٶلەك شاقىرىپ, رەفورما, الداعى جوسپارلار تۋرالى بارلىعىن ايتىپ بەرەمٸن", - دەپ ۋەدە ەتتٸ مينيستر.
ايتا كەتسەك, وسى جىلدىڭ 12 اقپانىندا قازاقستان پرەزيدەنتٸنٸڭ جارلىعىمەن ەرلان تۇرعىمباەۆ ٸشكٸ ٸستەر مينيسترٸ بولىپ تاعايىندالدى. بۇعان دەيٸن ول ٸشكٸ ٸستەر مينيسترٸنٸڭ ورىنباسارى قىزمەتٸن اتقارعان ەدٸ.
ال ٸشكٸ ٸستەر مينيسترلٸگٸن سەگٸز جىل باسقارعان قالمۇحانبەت قاسىموۆ پرەزيدەنت كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى بولىپ تاعايىندالدى.
