- Saiasattanýshy Erlan Saiyrov Memleket basshysy Nursultan Nazarbaevtyń bilik tarmaqtary arasynda ókilettikterdi qaita bólý týraly arnaiy úndeýinen keiin QazAqparat tilshisimen áńgimelese otyryp, Elbasynyń bul sheshimi naǵyz saiasi reforma ekenin atap ótti.
«Meniń oiymsha, bul alǵa qarai basylǵan úlken qadam. Bul - naǵyz saiasi reforma. Endi Parlamenttiń ókilettigi artady. Úkimet endi Parlamenttiń aldynda otstavkaǵa ketedi», - deidi saiasattanýshy.
Erlan Saiyrovtyń aitýynsha, Úkimet múshelerin, iaǵni ministrlerdi de endi Parlament taǵaiyndaityn bolady.
«Parlament ministrlerdi taǵaiyndaidy. Prezident óziniń úndeýin búkilhalyqtyq talqylaýǵa salyp otyr. Sondyqtan, azamattardyń kóbi bul máseleni jan-jaqty talqylap, bir túiinge kelýi kerek», - deidi E.Saiyrov.
Aita keteiik, keshe QR Prezidenti Nursultan Nazarbaev otandyq telearnalar arqyly bilik tarmaqtary arasynda ókilettikterdi bólý máseleleri jónindegi úndeýin jariia etti. Onda Prezidenttiń áleýmettik-ekonomikalyq protsesterdi retteýdegi birshama ókilettikterin Úkimetke jáne basqa da atqarýshy organdarǵa berý, Úkimetti jasaqtaýda Parlamenttiń rólin kúsheitý qarastyrylǵan.
.jpeg)