Foto: kasipodaq.kz
Búgin Býrabaida Ulttyq Quryltaidyń IV-shi otyrysy ótip jatyr. Quryltai otyrysyna Prezident Qasym-Jomart Toqaev qatysyp, baiandama jasap jatyr. Baiandama týraly pikir bildirgen Májilis depýtaty Erlan Sairov Prezident elimizdiń kóptegen saiasi, rýhani máselelerine kóńil aýdarǵanyn aitady, dep habarlaidy Ult.kz.
Quryltai jumysynyń ózi Qazaqstandaǵy saiasi reformalar nátijesi ekenin aitqan depýtat, memleket basshysy salyq reformasynyń logikasyna toqtalǵanyn tilge tiek etti.
"Qazaqstannyń Memlekettik biýdjetiniń jartysyna jýyǵy áleýmettik máselelerdi sheshýge baǵyttalǵan. Memleket áleýmettik máselelerdi sheshýdi ary qarai jalǵastyra beredi. Elimizde zańdy tulǵalardyń lgotalary óte kóp. Osy jeńildikterdi azaitý qajet", -degen ol áleýmettik jelidegi ádeptilik máselesiniń ózektiligine toqtaldy.
Erlan Sairovtyń pikirinshe dini teris aǵymdardyń jastardyń sana-sezimine teris áserine tiym salý qajet. Sondai-aq kino salasyndaǵy problemalarǵa da nazar aýdarý mańyzdy.
"Jaqynda "Shoqan Qashqariiaǵa sapary" mýltfilmi shyqty. Óte qajet ónim! Osyndai týyndylar kóp bolýy tiis. Qazaqstannyń soltústigindegi halqymyzdyń sanynyń azaiyp bara jatqandyǵy jasyryn emes. Bul máseleni sheshý ulttyq qaýipsizdik máselesi. "Qazaqstan Balalary" atty keshendi baǵdarlama qajet. Balalarymyzdy ulttyq dástúr negizinde tárbieleý kerek", -dedi ol.
"Geosaiasi jaǵdai kúrdelenip keledi" degendi de aityp ótken Sairov otanshyl, patriot balalardy tirbieleý kerek ekenin aityp otyr.
"Qazaqstannyń ideologiia máselesi de óte ózekti. Memlekettik qundylyqtardy tereń qalyptastyrý qajet. Óńirlerde teatrlardy salyp, damytýǵa basa nazar aýdarý kerek. Biyl Qazaqstannyń astanasynyń Qyzylordaǵa kóshýine bir ǵasyr boldy. Sonymen qatar ultymyzdyń "qazaq" ataýynyń resmi qaitýyna da bir ǵasyr boldy. Kelesi Quryltaidyń otyrysy QYZYLORDADA ótkizýge sheshim qabyldandy. Qazaqstanda Biznesti damytý úshin 8-trln teńge bólinedi. Bul qadam kishi jáne orta biznesti damytýǵa asa joǵary serpin beredi! Katon-Qaraǵai, Zaisan, Kendirlide aeroport salynady. Arqalyq qalasynda aeroport salynady. PREZIDENT QASYM-JOMART TOQAEV AMANAT" partiiasy Fraktsiiasy "ShEKARALYQ AÝDANDARDY DAMYTÝ" jóninde jańa zań qabyldaý jóninde usynys jasady, Úkimet atalǵan máseleni shuǵyl sheshýi kerek dep tapsyrma berdi! Bul sheshim shekaralyq aýdandardy damytýǵa joǵary serpin beretini anyq!" -dedi Erlan Sairov.
