Foto: elorda.info
Prezident otandyq biznes ókilderimen kezdesýinde Úkimetke qosymsha qun salyǵy máselesin taǵy da pysyqtaýdy tapsyrdy. Ol Úkimet usynǵan mólsherleme tym joǵary ekenin aityp, qoǵam arasynda bul dúrbeleń týǵyzyp jatyr dedi.«Úkimet bul máseleni depýtattarmen jáne sarapshylarmen egjei-tegjeili talqylaýy kerek», - dep tapsyrdy Prezident.
Ult.kz tilshisiniń suraǵyna jaýap bergen Májilis depýtaty Erlan Sairovtyń sózinshe biýdjet salasynyń problemasy bar ekeni anyq, óitkeni ishki jalpy ónim ósip jatqanymen ekonomikanyń áleýeti Qazaqstannyń biýdjetin qalyptastyrýǵa qazir shamasy jetpei jatyr. Sondyqtan depýtat bul máseleniń birneshe sebepterin atady:
«Birinshi sebebi, bizde úlken biznes óte kóp preferentsiialarmen paidalanylady. Ekinshi, bank júiesi de kóp paida tapqanymen, salyqty az tóleidi, sondyqtan Prezident naqty tapsyrma berdi. Óitkeni qosymsha qun salyǵy halyqtyń jappai tóleitin salyǵy bolyp tadylady. Sondyqtan kóptegen memleketterde bul qosymsha qun salyǵyn «kedeilerge salynatyn salyq» dep ataidy. Iaǵni bul salyq Qazaqstannyń basym kópshiliginiń áleýmettik deńgeiine tikelei áser etedi. Sondyqtan QQS qalyptastyrǵan kezde bizde úlken differentsiatsiia bolýy kerek. Bul máseleni depýtattar da aitqan. Prezident Toqaev estýge qabiletti memleket kontseptsiiasy aiasynda bizdiń depýtattardyń aitqan jáne qoǵamnyń aitqanyn qabyldady. Bul durys dep oilaimyn. Jáne Toqaev Úkimetke depýtattarmen jumys isteýge tapsyrma berdi. Biz osy ózgertýler kelgen kezde basym halyqtyń muń-múddesi turǵysynan qarastyratyn bolamyz. Salyq júiesi ishinde biýdjetti toltyrýdyń potentsialy kóp. Ony biz ózimiz de daiyndap jatyrmyz. Ol boiynsha Ult.kz-ti habardar qylýǵa daiynbyz», -deidi E. Sairov.
Aita keteiik, QR Premer-Ministrdiń orynbasary – Ulttyq ekonomika ministri Serik Jumanǵarin 2025 jylǵy 6 aqpanda Senat otyrysynda QQS-ty qazirgi 12 paiyzdan 20 paiyzǵa deiin arttyrý jospary týraly aitqan bolatyn.
Oqi otyryńyz: Úkimettiń qazirgi usynyp otyrǵan mólsherlemesi tym joǵary – Toqaev
