فوتو: elorda.info
پرەزيدەنت وتاندىق بيزنەس ٶكٸلدەرٸمەن كەزدەسۋٸندە ٷكٸمەتكە قوسىمشا قۇن سالىعى مەسەلەسٸن تاعى دا پىسىقتاۋدى تاپسىردى. ول ٷكٸمەت ۇسىنعان مٶلشەرلەمە تىم جوعارى ەكەنٸن ايتىپ, قوعام اراسىندا بۇل دٷربەلەڭ تۋعىزىپ جاتىر دەدٸ.«ٷكٸمەت بۇل مەسەلەنٸ دەپۋتاتتارمەن جەنە ساراپشىلارمەن ەگجەي-تەگجەيلٸ تالقىلاۋى كەرەك», - دەپ تاپسىردى پرەزيدەنت.
Ult.kz تٸلشٸسٸنٸڭ سۇراعىنا جاۋاپ بەرگەن مەجٸلٸس دەپۋتاتى ەرلان سايروۆتىڭ سٶزٸنشە بيۋدجەت سالاسىنىڭ پروبلەماسى بار ەكەنٸ انىق, ٶيتكەنٸ ٸشكٸ جالپى ٶنٸم ٶسٸپ جاتقانىمەن ەكونوميكانىڭ ەلەۋەتٸ قازاقستاننىڭ بيۋدجەتٸن قالىپتاستىرۋعا قازٸر شاماسى جەتپەي جاتىر. سوندىقتان دەپۋتات بۇل مەسەلەنٸڭ بٸرنەشە سەبەپتەرٸن اتادى:
«بٸرٸنشٸ سەبەبٸ, بٸزدە ٷلكەن بيزنەس ٶتە كٶپ پرەفەرەنتسييالارمەن پايدالانىلادى. ەكٸنشٸ, بانك جٷيەسٸ دە كٶپ پايدا تاپقانىمەن, سالىقتى از تٶلەيدٸ, سوندىقتان پرەزيدەنت ناقتى تاپسىرما بەردٸ. ٶيتكەنٸ قوسىمشا قۇن سالىعى حالىقتىڭ جاپپاي تٶلەيتٸن سالىعى بولىپ تادىلادى. سوندىقتان كٶپتەگەن مەملەكەتتەردە بۇل قوسىمشا قۇن سالىعىن «كەدەيلەرگە سالىناتىن سالىق» دەپ اتايدى. ياعني بۇل سالىق قازاقستاننىڭ باسىم كٶپشٸلٸگٸنٸڭ ەلەۋمەتتٸك دەڭگەيٸنە تٸكەلەي ەسەر ەتەدٸ. سوندىقتان ققس قالىپتاستىرعان كەزدە بٸزدە ٷلكەن ديففەرەنتسياتسييا بولۋى كەرەك. بۇل مەسەلەنٸ دەپۋتاتتار دا ايتقان. پرەزيدەنت توقاەۆ ەستۋگە قابٸلەتتٸ مەملەكەت كونتسەپتسيياسى اياسىندا بٸزدٸڭ دەپۋتاتتاردىڭ ايتقان جەنە قوعامنىڭ ايتقانىن قابىلدادى. بۇل دۇرىس دەپ ويلايمىن. جەنە توقاەۆ ٷكٸمەتكە دەپۋتاتتارمەن جۇمىس ٸستەۋگە تاپسىرما بەردٸ. بٸز وسى ٶزگەرتۋلەر كەلگەن كەزدە باسىم حالىقتىڭ مۇڭ-مٷددەسٸ تۇرعىسىنان قاراستىراتىن بولامىز. سالىق جٷيەسٸ ٸشٸندە بيۋدجەتتٸ تولتىرۋدىڭ پوتەنتسيالى كٶپ. ونى بٸز ٶزٸمٸز دە دايىنداپ جاتىرمىز. ول بويىنشا Ult.kz-تٸ حاباردار قىلۋعا دايىنبىز», -دەيدٸ ە. سايروۆ.
ايتا كەتەيٸك, قر پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين 2025 جىلعى 6 اقپاندا سەنات وتىرىسىندا ققس-تى قازٸرگٸ 12 پايىزدان 20 پايىزعا دەيٸن ارتتىرۋ جوسپارى تۋرالى ايتقان بولاتىن.
وقي وتىرىڭىز: ٷكٸمەتتٸڭ قازٸرگٸ ۇسىنىپ وتىرعان مٶلشەرلەمەسٸ تىم جوعارى – توقاەۆ
