Elordada Ulttyq qoǵamdyq senim keńesiniń qyzmeti týraly dóńgelek ústel ótti, dep habarlaidy QazAqparat.
Keńes múshesi Erlan Sairov eldi alańdatyp otyrǵan negizgi problemalardy atai kele, eldiń memleketpen diaolgqa sýsap qalǵanyn jetkizdi.
«Prezidenttiń Ulttyq qoǵamdyq senim keńesin qurý týraly Jarlyǵy er arasynda rezonans týǵyzdy. Ortalyq qalalardan ǵana emes, óńirlerden de adamdar shyǵyp, óz pikirlerin bildirip jatyr. Bul jurtttyń bilikpen áńgimege sýsap qalǵanyn kórsetedi. Qazir elimizde qoǵamdyq-saiasi protsesterdi liberaldandyrýǵa degen suranys bar ekenin kórip otyrmyz. Sondyqtan bul keńestiń qajettigin barlyǵymyz túsinip otyrmyz», - dep bastady Erlan Sairov.
Onyń aitýynsha, qazir eldi eńbek salasy men azamattardyń múddesin qorǵaý, saiasi reformalar salalarynda kóptegen problemalardyń qordalanyp qalýy alańdatyp otyr.
«Qazir eldegi qoǵamdyq-saiasi palitra árkelki. Sailaý, miting, BAQ, saiasi partiialar týraly zańdardyń keibir tarmaqtary zaman talabyna sai emes ekenin ýaqyt kórsetti. Sondyqtan, osy turǵyda oilanýymyz kerek. Saias protsesterdi ortalyqsyzdandyryp, ártaraptandyrýǵa suranys bar. Saiasi sheshimderdiń barlyǵy Nur-Sultannan shyqpaýy kerek ekenin aitýshylar kóp. Jyl saiyn Qazaqstannan óz erkimen kóship jatqandardyń sany artyp keledi. Al shekaralyq aýdandardan halyq ortalyqtarǵa kóship jatyr. Bul tipti gýmanitarlyq problema deýge bolady», - dep túidi Keńes múshesi.
Onyń pikirine qaraǵanda, bul máselelerdi sheshý keńestiń negizgi missiiasy bolmaq.
«Memlekettiń osy máselelerdi sheshýge degen erik-jigeri bar. Sondyqtan, qazirdiń ózinde keńes jumysyna qatysty optimistik boljam qalyptasty dep aitýǵa bolady», - dedi qoǵam qairatkeri.
