ەلوردادا ۇلتتىق قوعامدىق سەنٸم كەڭەسٸنٸڭ قىزمەتٸ تۋرالى دٶڭگەلەك ٷستەل ٶتتٸ, دەپ حابارلايدى قازاقپارات.
كەڭەس مٷشەسٸ ەرلان سايروۆ ەلدٸ الاڭداتىپ وتىرعان نەگٸزگٸ پروبلەمالاردى اتاي كەلە, ەلدٸڭ مەملەكەتپەن دياولگقا سۋساپ قالعانىن جەتكٸزدٸ.
«پرەزيدەنتتٸڭ ۇلتتىق قوعامدىق سەنٸم كەڭەسٸن قۇرۋ تۋرالى جارلىعى ەر اراسىندا رەزونانس تۋعىزدى. ورتالىق قالالاردان عانا ەمەس, ٶڭٸرلەردەن دە ادامدار شىعىپ, ٶز پٸكٸرلەرٸن بٸلدٸرٸپ جاتىر. بۇل جۇرتتتىڭ بيلٸكپەن ەڭگٸمەگە سۋساپ قالعانىن كٶرسەتەدٸ. قازٸر ەلٸمٸزدە قوعامدىق-ساياسي پروتسەستەردٸ ليبەرالداندىرۋعا دەگەن سۇرانىس بار ەكەنٸن كٶرٸپ وتىرمىز. سوندىقتان بۇل كەڭەستٸڭ قاجەتتٸگٸن بارلىعىمىز تٷسٸنٸپ وتىرمىز», - دەپ باستادى ەرلان سايروۆ.
ونىڭ ايتۋىنشا, قازٸر ەلدٸ ەڭبەك سالاسى مەن ازاماتتاردىڭ مٷددەسٸن قورعاۋ, ساياسي رەفورمالار سالالارىندا كٶپتەگەن پروبلەمالاردىڭ قوردالانىپ قالۋى الاڭداتىپ وتىر.
«قازٸر ەلدەگٸ قوعامدىق-ساياسي پاليترا ەركەلكٸ. سايلاۋ, ميتينگ, باق, ساياسي پارتييالار تۋرالى زاڭداردىڭ كەيبٸر تارماقتارى زامان تالابىنا ساي ەمەس ەكەنٸن ۋاقىت كٶرسەتتٸ. سوندىقتان, وسى تۇرعىدا ويلانۋىمىز كەرەك. ساياس پروتسەستەردٸ ورتالىقسىزداندىرىپ, ەرتاراپتاندىرۋعا سۇرانىس بار. ساياسي شەشٸمدەردٸڭ بارلىعى نۇر-سۇلتاننان شىقپاۋى كەرەك ەكەنٸن ايتۋشىلار كٶپ. جىل سايىن قازاقستاننان ٶز ەركٸمەن كٶشٸپ جاتقانداردىڭ سانى ارتىپ كەلەدٸ. ال شەكارالىق اۋدانداردان حالىق ورتالىقتارعا كٶشٸپ جاتىر. بۇل تٸپتٸ گۋمانيتارلىق پروبلەما دەۋگە بولادى», - دەپ تٷيدٸ كەڭەس مٷشەسٸ.
ونىڭ پٸكٸرٸنە قاراعاندا, بۇل مەسەلەلەردٸ شەشۋ كەڭەستٸڭ نەگٸزگٸ ميسسيياسى بولماق.
«مەملەكەتتٸڭ وسى مەسەلەلەردٸ شەشۋگە دەگەن ەرٸك-جٸگەرٸ بار. سوندىقتان, قازٸردٸڭ ٶزٸندە كەڭەس جۇمىسىنا قاتىستى وپتيميستٸك بولجام قالىپتاستى دەپ ايتۋعا بولادى», - دەدٸ قوعام قايراتكەرٸ.
