Búgin elordadaǵy №80 mektep-gimnaziiada alǵashqy qońyraý soǵylyp, saltanatty sharaǵa elimizdiń Bilim jáne ǵylym ministri Erlan Saǵadiev qatysty, dep habarlaidy Ult.kz tilshisi QazAqparat agenttigine silteme jasap.
«Qurmetti ustazdar, balalar, ata-analar! Barshańyzdy búgingi Bilim merekesi - alǵashqy qońyraýmen, jańa oqý jylynyń bastalýymen shyn júrekten quttyqtaimyn. Balalarymyzǵa úzdik oqýshy bolyp, sapaly bilim, joǵary deńgeide tálim-tárbie alyp, keleshekte úlken ómirdiń barlyq joldary ashylsyn! Al ata-analardyń armandary oryndalsyn!», - dedi saltanatty sharada sóz sóilegen ministr.
Sonymen qatar ol biylǵy oqý jylynyń ereksheliginiń biri úlken ózgeristerdiń bolmaýynda ekendigin aitty.
«Eń mańyzdy máseleler boiynsha sheshimder byltyrǵy oqý jylynda qabyldanǵan bolatyn. Endi sol jumystardy odan ary jalǵastyratyn bolamyz. Jumystar qiyn emes, muǵalimder daiyn. Oqýlyqtardy jetkizdik. Biz ony kún saiyn tekserip otyrmyz», - dedi Erlan Saǵadiev.
Aita keteiik, №80 mektep-gimnaziia 2015-2016 oqý jylynyń 11 qyrkúieginde ashylǵan bolatyn. Mektep 1 100 oqýshyǵa arnalǵan. Qazirgi ýaqytta 1 380 bala bilim alýda. Bilim ordasy 1 aýysymmen jumys isteidi. Oqý jospary memlekettik jalpy mindetti standartqa sáikes qurylǵan.
