Prezident Ákimshiligi basshysynyń birinshi orynbasary Erlan Qarin qoǵamdaǵy ásiredinshildik pen mádenietti dinge qarsy qoiýǵa baǵyttalǵan kózqarastarǵa qatysty pikir bildirdi. Ol áleýmettik jelidegi paraqshasynda Qazaqstanda kez kelgen máselede eń aldymen Konstitýtsiia men zań talaptary basshylyqqa alynýy tiis ekenin atap ótti, dep habarlaidy ult.kz.
Memlekettik sheneýnik áleýmettik jelide taraǵan daýly videoǵa da toqtaldy.
«Toida tilekke shyǵyp, ersi ýaǵyz aityp ketken er adamnyń videosyn jeliden kórip qaldym. Shyn máninde, onyń áielderdi kemsitýi, ánshilerge, mýzyka ónerine qatysty teris pikir bildirýi bolmysymyzǵa múldem jat. Ulttyq tanym-túsinikke sáikes kelmeidi. Óitkeni, Qazaqstan – zaiyrly memleket. Bizdiń temirqazyǵymyz – Konstitýtsiia. Birinshi orynda dini shekteýler emes, elimizdiń zańdary turady», – dedi Erlan Qarin.
Sondai-aq ol óner men mádenietti dinge qarsy qoiýdy asyra silteýshilik dep baǵalap, mundai ustanym qoǵamdy alǵa bastyrmaitynyn jetkizdi. Onyń aitýynsha, Qazaqstanda ulttyq qundylyqtar men zaiyrly qaǵidattardy qatar ustanatyn jańa qoǵamdyq etikany qalyptastyrý mańyzdy.
