Dúniejúzilik qorshaǵan ortany qorǵaý kúni qarsańynda elimizdiń barlyq óńirinde «Taza Qazaqstan» naýqany aiasynda ekologiialyq aktsiialar ótýde. Prezident Qasym-Jomart Toqaev bastamashylyq etken jalpyulttyq joba nebári eki jyldyń ishinde elimizdiń qalalary men aýyldaryn abattandyrýǵa ári kógaldandyrýǵa baǵyttalǵan buqaralyq qoǵamdyq qozǵalysqa ainaldy. Bul týraly Memlekettik keńesshi Erlan Qarin áleýmettik paraqshasynda jazdy, dep habarlaidy ult.kz.
Buǵan qosa «Taza Qazaqstan» qundylyqtary eń joǵary konstitýtsiialyq mártebege ie boldy dep atap ótti Erlan Qarin.
«Atap aitqanda, jańa Ata Zańnyń preambýlasynda alǵash ret tabiǵatty aialaý qajet ekeni naqty kórsetilgen. Al Qazaqstan Respýblikasy qyzmetiniń negiz quraýshy qaǵidattary qatarynda jaýapty ári jasampaz otanshyldyq ideiasyn ilgeriletý jáne joǵary ekologiialyq mádenietti qalyptastyrý mindeti belgilendi.
«Taza Qazaqstan» jobasy «Zań jáne Tártip» qaǵidatymen ári «Adal azamat» baǵdarlamasymen qatar jańa qoǵamdyq etikany qalyptastyrýdyń mańyzdy quraly bolyp sanalady. Sol sebepti Memleket basshysy óziniń sóilegen sózderinde jaýapkershilikke, sanalylyqqa, quqyqtyq tártipti saqtaýǵa, eń bastysy otansúigishtikke negizdelgen minez-qulyq modelin ornyqtyrý men ilgeriletýdiń mańyzdylyǵyna erekshe nazar aýdarady», - dedi ol.
Memlekettik keńesshiniń sózinshe jaýapty ári jasampaz otanshyldyq ár azamattyń ainalasyndaǵy tazalyq pen tártipti saqtaýynan, tabiǵatqa janashyrlyqpen qaraýynan jáne vandalizmge qarsy kúresinen bastalady.
Eki jyl ishinde «Taza Qazaqstan» jobasy aiasynda naqty nátijelerge qol jetkizildi. El boiynsha shamamen 6,5 million adamnyń qatysýymen 1,5 myń ekologiialyq is-shara ótkizildi. Sonyń ishinde eń aldymen jastardyń belsendiligin erekshe atap ótý qajet. Belsendi azamattardyń uiytqy bolýymen 2 million tonna qoqys jinalyp, shamamen 5,5 million aǵash otyrǵyzyldy. Sonymen qatar elimizge kelgen memleket basshylarynyń, tanymal óner qairatkerleri men sportshylardyń «Taza Qazaqstan» jobasyn qoldap, aǵash otyrǵyzýy igi dástúrge ainaldy.
«Osylaisha, Qazaqstan qoǵamdyq birlikti kúrdeli ári abstraktili ideologiialyq tujyrymdamalar tóńireginde emes, barshaǵa túsinikti qarapaiym ári ámbebap qundylyqtar negizinde qalyptastyrýǵa bolatynyn aiqyn kórsetip, jańa úrdistiń negizin qalaýda.
Máselen, jýyrda Parlamentte saiasi partiialardyń barlyǵy óz baǵdarlamalary men jarǵylaryna «Taza Qazaqstan» qaǵidattaryn engizýi qajet ekeni týraly usynys aityldy. Túptep kelgende, bul – ideologiialyq jańǵyrýdyń irgetasy.
Osylaisha, «Taza Qazaqstan» jobasy keń qoǵamdyq qoldaýǵa ie bolyp qana qoimai, birtindep kúndelikti ómirimizdiń ajyramas bóligine de ainalyp keledi», - dep otyr Qarin.
