Qasym-Jomart Toqaevqa «Jańa Qazaqstan: jańarý men jańǵyrý joly» atty Joldaýynyń negizgi baǵyttaryn zańnamalyq turǵydan qamtamasyz etý jónindegi tómengi Palatanyń atqaryp jatqan jumystary týraly málimet berildi, dep habarlaidy Aqordanyń baspasóz qyzmeti.
Prezidentke berilgen aqparatqa sáikes ekinshi sessiia bastalǵaly beri Májilis depýtattarynyń qaraýyna 96 zań jobasy túsken jáne onyń 53-i maquldanyp, Senatqa joldanǵan.
Sonymen qatar, Májilis tóraǵasy Parlamenttiń tómengi palatasy jumysynyń jańa formattary týraly aitty. Depýtattar endi óz jumystarynda ashyqtyqty arttyrýǵa, parlamenttik mádenietti nyǵaitýǵa jáne halyqpen aradaǵy yqpaldastyqty kúsheitýge basa mán beredi. Qoǵamdaǵy óte mańyzdy máseleler boiynsha parlamenttik tyńdalymdar men basqa da is-sharalar jii ótkiziledi.
Parlamenttiń tómengi palatasynda azamattardyń ótinishteri men talap-tilekterine, sonyń ishinde depýtattardyń óńirlerge sapary barysynda kóterilgen máselelerge qatysty jumystyń jańa tetikteri engiziledi. Májilismender jergilikti jerlerde sailaýshylarmen turaqty kezdesýler ótkizedi.
