Foto: QR Parlament Májilisi
Májilis tóraǵasy Erlan Qoshanov Qazaqstanda atom elektr stantsiiasyn salý jónindegi respýblikalyq referendýmda daýys berýge qatysty.
Májilis Tóraǵasy «Qazaqstan temir joly» ulttyq kompaniiasy» aktsionerlik qoǵamynyń ǵimaratynda ornalasqan №163 sailaý ýchaskesinde daýys berdi.
"Búgin – bizdiń memleketimiz úshin óte mańyzdy kún. Elimizdiń bolashaǵyna qatysty úlken sheshim qabyldanýda. Eń bastysy, bul sheshimdi halyq qabyldap jatyr. Buǵan deiin biz Konstitýtsiialyq reforma qabyldadyq. Onyń basty maqsaty – ár adamnyń memlekettiń saiasi ómirine erkin qatysýyn qamtamasyz etý. Búgin biz sonyń naqty iske asqanyn kórip otyrmyz. Barlyq aimaqtaǵy azamattarymyz óz daýsyn berip jatyr. Óńirlerden kelip jatqan aqparattarǵa qaraǵanda, belsendilik óte joǵary. Halyq memleketimizdiń bolashaǵy úshin durys tańdaý jasaidy dep oilaimyn", – dedi jýrnalisterdiń suraǵyna jaýap bergen Erlan Qoshanov.
