Qaraǵandy oblysynyń ákimi Erlan Qoshanov tikushaqpen sý tasqyny qaýpi bar aýmaqtardy áýeden baqylap shyqty, dep habarlaidy óńir basshysynyń resmi saity.
Aviamarshrýt 580 shaqyrymnan astam qashyqtyqty qurap, tórt aýdandy qamtydy: Buqar Jyraý, Qarqaraly, Shet jáne Abai. Týs tasqyny qaýpi joǵary aýmaqtar baqylanyp, Samarqand, Sherýbai-Nura, Yntymaq, Jartas jáne Ashysý sý qoimalarynyń, sondai-aq Nura, Sherýbai-Nura,Ashysý, Mataq, Jarly ózenderiniń arnalary tekserildi.
Aimaq basshysymen qosa ushý barysyna oblystyq TJD bastyǵy Ybrahym Kúlshimbaev, aýdan ákimderi, memlekettik organ jetekshileri qatysty. Oblys ákimi biylǵy jyly eriger qar sýynan adamdar qanshalyqty jaqsy qorǵalǵanyn óz kózimen qarap shyǵýdy uiǵarǵan.
Jyl saiyn arnasynan shyǵatyn ózenderdiń jaǵalarynda qorǵaý bógetteri salǵan jáne basqa da saqtandyrý sharalary uiymdastyrylǵan. Ol eldi mekenderge sý kirý qaýpin tómendetýge múmkindik beredi.
Ótken jyldarmen salystyrǵanda qardaǵy sý kólemi azyraq. Áýeden baqylaý barysynda ózenderdegi sýdyń deńgeii tómendegeni baiqalady, sý tasý jáne arnasynan shyǵý qaýpi joq.
Qazirgi tańda Samarqand sý qoimasynan 15 m³/s., Yntymaq sý qoimasynan - 20 m³/s kóleminde sý jiberilip jatyr. Iri sý qoimalarynan ýaqytynda sý jiberip otyrý sharasy ózenderdiń arnasyn jýyp ótýge, sondai-aq sý qoimalarynda erigen qar sýyn syidyratyn bos oryn daiyndaýǵa múmkindik berdi.
Aimaqtaǵy sý tasqynyna qatysty jaǵdai qalypty jáne únemi baqylaýda. Jedel shtab kún saiyn jaǵdaidy qadaǵalap otyr.
